(NI NOEL ABUEL)

SA KABILA ng binawi na ng Mababang Kapulungan ng Kongreso ang sinasabing P700 milyon at P1.5 bilyon na pork barrel ng ilang kongresista ay itutuloy pa rin ng Senado ang imbestigasyon kaugnay nito.

Ayon kay Senador Panfilo Lacson, bubusiin pa nito ang nasabing kontrobersyl sa 2020 national budget ng Kamara kahit anong gawin ng mga kongresista dahil may hawak naman itong kopya ng National Expenditure Program (NEP).

“Yes. Madali naman ‘yan. We have also a copy of the NEP and it is easy to juxtapose, and i-matrix mo lang ‘yan makita mo saan nagbago,” sabi ni Lacson.

“Wala na, wala na ‘yung ganoong insertions. Ngayon hindi ko alam ang sinasabi ni Rep. Salceda na P100M each. ‘Yan ang hindi malinaw because they already passed the budget on third and final reading, approved na eh. So what I cannot understand is, sa legislative process kasi, pagka-pass on second reading pa lang, ibig sabihin pasok na lahat na amendments, both committee and individual amendments. This time around, approved on third reading, wala na ‘yan, bicam na dapat ‘yan. So I cannot really understand kung bakit may small group committee, which I am trying to clarify with Rep L-Ray kasi siya ang Deputy Speaker for finance,” dagdag pa nito.

Kumpiyansa rin umano ito na posibleng i-veto muli ni Pangulong Rodrigo Duterte ang 2020 budget sa oras na may malaman itong may nakasingit ng pork barrel sa national budget.

“We’re confident. Sinabi naman niya pag nakasilip ng pork he will veto,” giit ni Lacson.

Samantala, itinanggi ni Lacson na si Deputy Speaker Luis Raymund ‘LRay’ Villafuerte ang source nito hinggil sa umano’y 22 Deputy Speakers ang makakatanggap ng P1.5B sa 2020 budget.

“No, no, hindi, ang naging source, hindi. Ang akala niya nga, ang lumabas kasi sa news ang nakarating sa kanya, siya ang promotor. So he was trying to explain himself, na he can swear on a stack of Bibles na hindi siya ang proponent ng tinatawag na large insertions. But sabi ko anyway water under the bridge kasi ang information, which also came from the House by the way, hindi naman ito sa labas na hindi nakakaintindi ng budget,” paliwanag ni Lacson.